Алтан Бортого Академи нь хөдөлмөрийн аюулгүй байдал, эрүүл ахуй (ХАБЭА), эрсдэлтэй ажлын байрны болон мэргэжил олгох сургалтыг танхим, дадлага, цахим хэлбэрээр хослуулан зохион байгуулдаг сургалтын төв юм.
Ажлын байран дахь осол, мэргэжлээс шалтгаалах өвчлөлөөс урьдчилан сэргийлэх нь мэдлэг, ур чадвар, зөв хандлагаас эхэлдэг гэдэгт бид итгэдэг. Тиймээс сургалт бүрээ онолын хичээлээр хязгаарлалгүй бодит ажлын нөхцөлд тулгуурласан дадлага, практик үнэлгээгээр баталгаажуулдаг.
Манай сургалтын үндсэн чиглэлүүд:
• ХАБЭА-н сургалт — ажил олгогч, нийт ажилтан, хувиараа хөдөлмөр эрхлэгчдэд;
• Эрсдэлтэй ажлын байрны сургалт — өндөрт ажиллах, цахилгааны аюулгүй ажиллагаа, тусгаарлалт, хязгаарлагдмал орчин, өндөр хэмийн ажил, химийн хорт болон аюултай бодис, олсон дээрх ажил, даралтат сав ба шугам хоолой;
• Мэргэжил олгох сургалт — ХАБЭА-н ажилтан, даралтат төхөөрөмжийн зуухны машинист (галч), өрлөг дулаалгын засварчин, шугам хоолой угсрагч, өргөх механизмын оператор, оосорлогч дохиочин, барилгын шат угсрагч;
• Суурь ур чадвар, мэргэжлийн чиг баримжаа, ажлын байрны харилцаа, хандлагын сургалт.
Сургалтаас гадна байгууллагуудад ХАБЭА-н зөвлөх үйлчилгээ, ажлын байрны эрсдэлийн үнэлгээ, өндөрт ажиллах үеийн бэхэлгээний цэгийн суурилуулалт, баталгаажуулалтыг гүйцэтгэж, сургалтаа амжилттай дүүргэсэн иргэдийг ажил олгогчтой холбох зуучлалын үйлчилгээ үзүүлдэг.
Суралцагч бүр бүртгэл, хичээл, шалгалт, сертификатаа нэг дороос хянах цахим орчинтой. Олгосон сертификат бүрийг баталгаажуулах кодоор нь хэн ч онлайнаар шалгах боломжтой бөгөөд байгууллагууд ажилтнуудынхаа сургалт, сертификатын хүчинтэй хугацааг өөрийн самбараас хянаж, давтан сургалтаа цаг тухайд нь төлөвлөдөг.
Монгол Улсын хөдөлмөрийн аюулгүй байдал, эрүүл ахуйн хууль тогтоомж, олон улсын сайн туршлагад нийцсэн, практикт суурилсан сургалтаар ажилтан бүрийг аюулгүй ажиллах мэдлэг, ур чадвар, хандлагатай болгож, ажил олгогчдод осол, эрсдэлгүй ажлын орчин бүрдүүлэхэд нь найдвартай түнш байх.
Сургалтын чанар, олгосон сертификатын найдвартай байдлаараа ажил олгогчдын итгэлийг хүлээсэн, хөдөлмөрийн аюулгүй байдал, техникийн мэргэшлийн сургалтаар тэргүүлэх академи болох.
Сургалтын танхимаас дадлагын талбай хүртэл аюулгүй ажиллагааны дүрмийг бид өөрсдөө хамгийн түрүүнд мөрдөж, үлгэр жишээ үзүүлнэ.
Онолыг бодит ажлын нөхцөл, тоног төхөөрөмж, тохиолдлын жишээн дээр дадлагажуулж, ур чадварыг практик үнэлгээгээр баталгаажуулна.
Шалгалт, үнэлгээг тодорхой шалгуураар явуулж, зөвхөн шаардлага хангасан суралцагчид сертификат олгоно.
Олгосон сертификат бүрийн ард хүний амь нас, эрүүл мэнд байдгийг ухамсарлаж, сургалтынхаа чанарыг өөрсдөө хариуцна.
Байгууллага бүрийн үйл ажиллагаа, эрсдэлийн онцлогт тохируулан сургалт, зөвлөгөөг хамтран төлөвлөж, үр дүнг нь хамт хянана.
Хууль тогтоомж, стандарт, технологийн өөрчлөлтийг тогтмол судалж, сургалтын агуулга, багш нарынхаа ур чадварыг байнга шинэчилнэ.
Эрхэм харилцагч, суралцагч та бүхэнд энэ өдрийн мэнд хүргэе.
Ажлын байран дахь осол бүрийн ард нэг гэр бүл, нэг хамт олны хувь заяа байдаг. Иймээс бид хөдөлмөрийн аюулгүй байдлын сургалтыг зөвхөн биелүүлэх ёстой албан шаардлага бус, хүний амь нас, эрүүл мэндийг хамгаалах хамгийн үр дүнтэй хөрөнгө оруулалт гэж үздэг.
Алтан Бортого Академи сургалт бүрээ бодит ажлын нөхцөлд ойртуулж, суралцагч бүр олж авсан мэдлэгээ маргаашаас эхлэн ажилдаа хэрэгжүүлэх чадвартай төгсөхийг зорьдог. Мөн байгууллагуудад ажилтнуудынхаа сургалт, сертификатын хугацааг цахимаар хянах, давтан сургалтыг цаг тухайд нь зохион байгуулахад тусалж, аюулгүй ажиллагааны соёлыг хамтдаа төлөвшүүлэхийг эрмэлздэг.
Аюулгүй ажлын орчинг хамтдаа бүтээхэд та бүхнийг урьж байна.
Сургалт
Сургалт
Байгууллагын сургалт, зөвлөх үйлчилгээ, ажилтан зуучлалын талаар хүсэлтээ илгээнэ үү.